سپیکرز
ایم سعید کا پیش کردہ کلام
آزرؔ رہا ہے تیشہ مرے خاندان میں
آزرؔ رہا ہے تیشہ مرے خاندان میں پیکر دکھائی دیتے ہیں مجھ کو چٹان میں سب اپنے اپنے طاق میں تھرا کے رہ گئے کچھ تو کہا ہوا نے چراغوں کے کان میں میں اپنی جستجو میں یہاں تک پہنچ گیا اب آئنہ ہی رہ گیا ہے درمیان میں منظر بھٹک رہے تھے در و بام کے قریب میں سو رہا تھا خواب کے پچھلے مکان میں لذت ملی ہے مجھ کو اذیت میں اس لیے احساس کھینچنا تھا بدن کی کمان میں نکلی نہیں ہے دل سے مرے بد دعا کبھی رکھے خدا عدو کو بھی اپنی امان میں آزرؔ اسی کو لوگ نہ کہتے ہوں آفتاب اک داغ سا چمکتا ہے جو آسمان میں
بخشا ہے اس نگاہ نے ایسا یقیں مجھے
بخشا ہے اس نگاہ نے ایسا یقیں مجھے حیرت سے دیکھتے ہیں سبھی نکتہ چیں مجھے جو کچھ ملا حضور کے صدقے سے ہے ملا اور جو نہیں ہے اس کی ضرورت نہیں مجھے میرے لبوں کی پیاس ہے ان جالیوں کا لمس مل جائے تو قبول دم ِ آخریں مجھے یہ سوچ کر ہے کپکپی طاری وجود پر دیکھے گا کس نگاہ سے ماہِ مبیں مجھے سستا رہا ہوں گنبدِ خضرا کے سائے میں کہہ دو نہیں ہے حاجتِ خلدِ بریں مجھے آزر نہ کہہ سکوں گا قصیدہ حضور کا کہنے کا لاکھ شوق ہے اپنے تئیں مجھے